PITYE POU MWEN BONDYE GRANMET MWEN

Pitye pou mwen Bondye Granmèt mwen

Jan ou sansib efase peche m.

Fè m gras Bondye jan Ou gen bon kè, efase peche mwen fè.

Jan ou sansib efase peche m, efase peche mwen fè.

Tout mechanste mwen lave l pou mwen, efase peche mwen fè.

Tout fòt mwen fè netwaye l pou mwen, efase peche mwen fè.

Peche mwen fè se mwen ki konnen l…

Fòt mwen devan m san l pa vle kite m…

Se kont Ou sèl mwen te fè peche…

Se sa ki mal devan zye w mwen fè…

Se sa ki vre Ou vle wè nan kè m…

Nan sekrè syans Ou w a fè m antre…

Ak fèy izòp netwaye m, m a pwòp…

Lave m pou m blan plis pase koton…

MESI BONDYE, MESI JEZI

Mèsi Bondye,
Mèsi Jezi,
O Lespri Sen mèsi
Manman Mari mèsi

Lè m gade syèl la fo mwen di w mèsi
Lè m gade tè a fo mwen di w mèsi
Bèl zwazo k ap chante fo mwen diw mèsi
Pye bwa yo k ap lwe w mèsi Papa

Ou ban m manje ko w fo mwen di w mèsi
Ou ban m bwè san w fo mwen di w mèsi
Ou ban mwen manman w fo mwen di w mèsi
Ou te mouri pou mwen mesi Jezi

Sante ou ban mwen fo mwen di w mèsi
Pwoteksyon ou ban mwen fo mwen di w mesi
Pou kouraj ou ban mwen fo mwen di w mesi
W ap mache avè m mèsi

Pou legliz la ou ban mwen fo mwen di w mèsi
Pou fanmi ou ban mwen
Pou zanmi ou ban mwen
Tout sa w fè se mèvèy mèsi Papa

GEN YON MOUN K AP FRAPE POT KE NOU

Gen yon moun kap frape pot kè nou (bis)
Men moun sa se Jezi ki vin vizite nou

Jezi ou vle nou louvri ba ou
Gen yon volè ki kache nan kè nou
Tanpri papa fonse pot la
Pou vin delivre nou

Bliye tet ou, vini jwenn sovè a
Vye logey yo mete yo dèyè
Se konsa vrè lapè a va tabli sou tè a

AVEK MARI NA JWENN JEZI

Avek Mari na jwenn Jezi
Avek Mari na jwenn Jezu an nou lapryiè
Avek Jezu na jwenn la viktwa, an nou lapryiè

 Pinga n dekouraje, an nou lapryiè (2)

Pasyans(3) an nou lapryiè(2)
N ap leve men n byen wo nan syèl la
N ap leve men n lan non Ganmèt la
N ap beni non l pou toutan gen tan
Paske bonte l pi fo pase lavi

JEZI KRI LEVE LI KRAZE LANMO

Jezi Kri leve li kraze lanmò, viv Jezi glwa a Dye!

Jezi Kri leve kon yon kout zèklè, Alelouya! Amèn!

PAPA BONDYE KI NAN SYEL LA

Papa Bondye ki nan syèl la, koute priyè nou.(2)

POU NOU PWOGRESE

Pou nou pwogrese fò n met tèt ansanm
Kolabore nou nan tou sa n ap fè
Si gen tèt ansanm, pwojè ap reyalize
Travay ap òganize, amitye pap janm fane (bis)

Si gen divizyon pa kab gen inyon
Paske se nan inyon ki ba nou plis fòs
Pou gen bon menaj, fò youn kab soufri pou lòt
Fò youn chèche konprann lòt
Pou nou ret ann amoni (bis)