WI MWEN KWE NAN BONDYE A

Wi mwen kwè nan Bondye a

Se li ki mèt lavi mwen

Mwen deja fin sètifye

Sa l di se verite.

1- Mwen kwè genyen Papa a mèt tout pouvwa,

E mèt syèl la ak tè a,

Li fè tout sa nou wè

E li fè tout sa je pa kab wè.

Tout sa l kreye yo la

Yo depase tout pouvwa lezòm genyen

Pesonn pa di m anyen

Map kenbe lafwa m jiska lafen.

2- Mwen kwe gen Jezi Kri, li se Granmèt

E se sèl pitit Papa a

Ki la depi totu tan

E l se Bondye ki sot nan Bondye.

Li te vin sou tè a e l te pase

Kèk bon lane pami nou.

Se lanmò li sou kwa a

K ap pèmèt nou rive nan syèl la.

3-Mwen kwè gen Lespri Sen,

Li te pale le pwofèt yo tap pale.

Se li kap met dife

K ap pemet pep Bondye a vanse.

L ap simaye lanmou ki sot nan Papa ansanm ak Pitit la

M ap tann tou mò leve,

M ap tann lavi k ap vini an.

SA JEZI KRI YE? JEZI KRI SE PEN VIVAN

Sa Jezi-Kri ye?
Jezi -Kri se pen vivan Bondye voye bay pèp li a
Manman Mari pote l pou nou, Manman Mari pote l pou nou

1-Jezi se pen k sòti nan syèl
Bondye ban nou l pou lavi n pi anfòm

2-Jezi di nou : " Chèche sitou manje
nan pen ki pap janm fini an."

3-Bondye Granmèt toujou ba nou
Manje vivan ki sèti nan syèl la

4-Moun ki manje nan pen silaa
An verite li pa gen dwa mouri

5-Pen pou n manje si kè nou pwòp
Si n abiye avèk lavi Bondye

6-Pen pou n manje si nou renmen
Si n fè ak lòt jan Bondye fè ak nou

TOUT SA N GENYEN TOU SA N YE

Tout sa n genyen tout sa n ye
Se ou ki ba nou yo
Nou vin remèt yo nan men w Granmèt
pran yo pou fè sèvis ou (2 fwa)

Depi avan mwen fèt ou te deja konnen m
Deoi nan vant manman m ou te deja chwazi m
Ou gen yon plan pou mwen ki fè w mete m ap viv
Si m pa fè volontèw mwen pap janm reyisi

Ti pen n ap ofri w la, se ou ki ba nou li
Diven n ap ofri w la se nan men w li sòti
Anpil moun te travay pou yo jan yo ye a
Konsa yo reprezante tou sa ki sou tè a